ازيكوا يا جماعة
موضوعنا اليوم شيق
موضوعنا اليوم مخيف
موضوعنا اليوم طريف
موضوعنا اليوم حزين
احنا هانتكلم هنا ياجدعان من غير تعصب
اوك لا تعصب لفكرة ولا لمبدأ ولا دولة
موضوعنا اليوم هو
بعنوان الرومانسية
انا مااعرفش الترجمة الدقيقة او المعنى الدقيق للكلمة دى بس هو دا المعنى اللى لقيته مناسب للى هاتكلم عنه معاكوا هون
احنا طبعا
عايشين الرومانسية كل يوم يااما في البيوت اللى هيه بتبقي عبارة عن سوق
تجارى فيها كل ماتشتهتى الانفس فيها اكل وعائل الاسرة مش مخلى البيت عاوز
حاجة لانه الحالة الاقتصادية مزدهرة وكل اللى يطلبوه منه اولاده بيكون
جايبه قبل مايطلبوه ويقولوله يابابا هات مصاريف المدارس والدروس الخصوصية
فايقلهم عاوزين كام يقولوه 150 جنية فايقلهم خدوا الالف جنية دول يمكن تعوزوا تجيبوا اكل
او الرومانسية في الشوارع فالمرور
هادىء ويكأنك ماشي في شارع من شوارع اوربا او باريس والموسيقي الهادئة
شغالة في كل حتة والاعصاب هادئة ومستقرة
والنظام سائد في الشوارع اول ماتبقي الاشارة حمرا كله يعدى اقصد كله يقف
ولما تعوز تركب تاكسي بتقف وتنطق الكلمة من على اطراف لسان كأنك بتبصق فيقفلك وينزل يفتحلك الباب ويقلك اتفضل ياباشا

او الرومانسية في الشغل كله متقن عمله
والمكاتب هادئة تدخل كأنك داخل محراب او مكان مقدس كلا يقوم بعمله في صمت
وهدوء وكأنه يتعبد في هدوء
والساعى يأتى يرتدى ملابس شيك جدا وكأنه موظف محترم يقولwhat can i get for you mr
والموظفين يقولوله no thanks

وفي اماكن التعليم فالمدارس مثلا منظمة جدا ونظيفة والمدرسين بيشرحوا في الفصول بذمة
وفي الاقسام
فالقانون يطبق واذا اردت ان تبلغ عن سرقة ما يقول لك هيا بنا نذهب الى المأمور
ولو الامر مهم يصعده للوزير شخصيا

انا عارف ياجماعة اننا عايشين الرومانسية في كل حتة بس معلش انا عاوز نعيش الرومانسية من الداخل
الرومانسية مش اتنين بيحبوا بعض بس
انا اقصد الهدوء الاستمتاع بالجمال اراحة البال التعامل مع الاشياء من منظور معين
وهاقولكوا ازاى في المرة الجاية